Մատուռ «Ջրով վանք»

Ջրով վանքը պետության կողմից պահպանվող երկրաբանական հուշարձան է․ աղբյուր՝ Ջրով վանք առվի ակունքում, որն Արփա գետի ձախ վտակն է, Վայոց ձորի Արփի գյուղից 3 կմ հարավ-արևելք, 1345 մ բարձրության վրա։ Այն պատկանում է բնական գոյացությունների կարստային քարանձավային տիպին։

Իբրև մատուռ (մատրուկ՝ փոքրիկ սրբավայր), Ջրով վանքն առանձին գրանցված է Արփի գյուղի պատմամշակութային հուշարձանների ցանկում։ Հայաստանի պետական բնության հուշարձանների ցանկում ընդգրկվել է 2008 թվականի օգոստոսի 14-ի կառավարության որոշմամբ։

Ջրով վանքը գտնվում է Վայոց ձորի մարզում, Արփի գյուղի մոտ, Երևանից մոտավորապես 82 կմ հարավ-արևելք (ուղիղ գծով)։