Քարայր-կացարան Ձորագյուղ-1

Ձորագյուղ-1-ը ուշ միջնադարյան քարայր-կացարան է (ժայռափոր բնակատեղի), գրանցված որպես պատմամշակութային հուշարձան, փորված Երևանի Կենտրոն համայնքի Սուրբ Սարգիս եկեղեցու ստորոտում գտնվող լանջին։ Այն գտնվում է Հրազդանի կիրճն իջնող աստիճանաշարից աջ՝ «Անանուն» սյունաձև բազալտի երկրաբանական հուշարձանի տարածքում։

2024 թվականի նոյեմբերի 7-ին հուշարձանի հյուսիսային հատվածն ավերվել է շինարարական աշխատանքների ընթացքում։

Բնակատեղին գտնվում է Երևանում, Կենտրոն համայնքում, ուղիղ գծով՝ քաղաքի կենտրոնից մոտ 1 կմ արևմուտք. հասնել կարելի է Սուրբ Սարգիս եկեղեցուց Հրազդանի կիրճն իջնող աստիճանաշարով։