Մակարավանք

Մակարավանքը եկեղեցական համալիր է, կառուցված X–XIII դարերում՝ Փայտատափ լեռան լանջին, Տավուշի մարզի Աչաջուր գյուղի մոտ։ Հայկական աղբյուրները այն դասում են վանքերի մի փոքր խմբի մեջ՝ Աղթամար, Բղենո-Նորավանք, Գանձասար,- որոնք առանձնանում են իրենց փորագրված որմնազարդի ինքնատիպությամբ ու բազմազանությամբ, և այս հիմքով այն կարևոր տեղ է զբաղեցնում հայկական ճարտարապետության մեջ։

Վանքը լավ պահպանված է և մինչ օրս գործող պաշտամունքի վայր է։

Մակարավանքը գտնվում է Տավուշի մարզում, Իջևան քաղաքի մոտ, Փայտատափ լեռան լանջին՝ Աչաջուր գյուղի հարևանությամբ, Երևանից շուրջ 103 կմ հյուսիս-հյուսիսարևելք ուղիղ գծով։