Սուրբ Սարգիս եկեղեցի (Աշտարակ)

Սուրբ Սարգիս եկեղեցին կանգնած է կիրճի եզրին, Աշտարակ քաղաքի դիմաց, Արագածոտնի մարզում։ Հրվանդանի վրա գտնվելով՝ այն կիրճի վրայով նայում է քաղաքի երեք այլ եկեղեցիներին՝ Ծիրանավորին, Սպիտակավորին և Կարմրավորին։ Ս. Մարիանե եկեղեցին ևս մոտակայքում է՝ քաղաքի կենտրոնում։

Ուղիղ Սուրբ Սարգիսի տակ, հենց կիրճում, կա 1664 թվականով թվագրվող կամուրջ։ Եկեղեցուց դեպի կիրճ իջնում է արահետ, որը հատում է այդ կամուրջը՝ կապելով այս վայրը կիրճի մյուս կողմում գտնվող Աշտարակի հետ։

Սուրբ Սարգիս եկեղեցին գտնվում է Արագածոտնի մարզում, Աշտարակ քաղաքի եզրին, Երևանից մոտավորապես 18 կմ հյուսիս-արևմուտք՝ ուղիղ գծով։