Սրվեղի վանք

Սրվեղի վանքը միջնադարյան վանական համալիր է, որն այժմ մասամբ ավերակների վիճակում է՝ բարձր, անտառապատ լանջին, Խաչի Տակ կոչվող բացատից վեր։ Այն գտնվում է Հայաստանի Տավուշի մարզի Այգեհովիտ գյուղից 3 կմ հարավ-արևմուտք։

Հուշարձանը գրանցված է Հայաստանի անշարժ պատմամշակութային հուշարձանների պետական ցուցակում՝ 10.9/5.1.2 համարի ներքո։ Ներկայումս այստեղ իրականացվում են վերականգնողական աշխատանքներ։

Սրվեղի վանքը գտնվում է Տավուշի մարզում, Իջևան քաղաքի մոտակայքում և Այգեհովիտ գյուղից 3 կմ հարավ-արևմուտք, անտառապատ բլրի լանջին։ Այն Երևանից գտնվում է մոտավորապես 108 կմ հյուսիս-արևելք (ուղիղ գծով)։