«Զարք Պրոգրամ» կրթական հիմնադրամ

«ZARK Program» կրթական հիմնադրամը Երևանում գործող ոչ առևտրային կազմակերպություն է, որն առաջարկում է կրթական դասընթաց 10-ից 17 տարեկան դեռահասների համար։ Իր նպատակը հիմնադրամը ձևակերպում է որպես բնավորությամբ և մարմնով ամուր սերունդ դաստիարակել՝ սովորեցնելով մասնակիցներին կողմնորոշվել արտակարգ իրավիճակներում, ինքնուրույն կազմակերպվել, որոշումներ կայացնել և պատասխանատվություն կրել դրանց համար։

Դասընթացն ընդգրկում է պարապմունքներ առաջին օգնության, լեռնագնացության և ինքնապաշտպանության վերաբերյալ՝ մեծ շեշտադրում անելով թիմային աշխատանքի վրա։ Հիմնադրամը վարում է խմբակներ Երևանում և այլ մարզերում, ինչպես նաև ընդունում է նվիրատվություններ ծրագիրն աջակցելու համար։